Mercés al formatatge de sas ressorsas e al Tractament automatic del lengatge, Lo Congrès a bastit de petits otisses practics que presenta sus un site novèl : generator.locongres.com
I trobaretz primièr un generator de mot de passa, que permet d'obtenir de mots de passa securizats e aisits de retenir a partir de mots occitans.
I a puèi un otís que permet de tirar de letras d'un biais aleatòri, mas coërent amb la frequéncia d'aparicion de cada letra dins la lenga.
Se pòt tanben generar un prenom occitan en causissent lo genre, lo nombre de letras, la primièra letra, las letras que conten, o l'abséncia de caractères especifics a l'occitan.
Se pòt obténer tanben de sembla-mots, es a dire de mots que semblan d'occitan mas qu'existisson pas dins la lenga.
Pels autors, se tròba un generator de noms de comunas realistas, fargat a partir del top'Òc, e un generator de personatges fictius (prenom, nom, departament, atge).
Foguèt possible de crear aqueles petits otisses mercés al trabalh gròs de formatatge de donadas entreprés pel Congrès qualques annadas a.
Los generators de mot de passa, de sembla-mots e de letras son tanben accessibles coma API sul site de las API del Congrès.