Amb l’occitan gascon e l’occitan lengadocian, retrobaratz d’ara enlà l’occitan provençal dins vòstra aplicacion vèrb’Òc, disponibla sus Android e IOS.
Remembram que lo vèrb’Òc provençal es estat concebut jos la direccion scientifica de Bernard Moulin - malaja partit tròp d'ora - alara vicepresident del Conselh lingüistic del Congrès, que s'es basat entre autres sul Tresor dóu Felibrige, lo grand diccionari classic de Frederic Mistral, e mai d’obratges de la seccion de Provença de l’Institut d’Estudis Occitans (Gramatica provençala e atlàs lingüistic, Diccionari de basa francés-provençau, Diccionari provençau-francés).
Las òbras dels vèrb'Òc precedents foguèron tanben presas en compte. Son mai de 7 000 vèrbs en occitan provençal dont dispausatz d’ara enlà al cap dels dits !