OsmAnd-oc es lo fruch de la collaboracion de l'Institut d'Estudis Occitans amb OpenStreetMap-França e OsmAnd Offline Maps and Navigation.
OSM (Open Street Map) es un projècte de cartografia liura e collaborativa, concurrenta de GoogleMap. OsmAnd vòl dire OpenStreetMap automated navigation directions.
Es mai que mai l'obratge de milierats de collaborators benevòles a la Mapa-Occitana e a la Wikipèdia Occitana amb la còla del projècte Geoccitania - BdTopoc de l'IEO, completat pel versament dels toponims numerizats del Congrès.
OsmAnd Viatjar & Navegar-oc (OsmAnd-oc) es una aplicacion de mapa del monde fòra de linha, fòrça completa, basada sus OpenStreetMap-oc (OSM-oc), que vos permet de navigar en prenent en compte las rotas preferidas, las dimensions dels veïculs e d'autres paramètres.
Lo GPS permet de viatjar dins l’espaci en fasent servir las mapas occitanas. Planejatz d'itineraris d'escorreguda segon la penda e enregistratz vòstres percors sens connexion Internet (traças GPX).
L'aplicacion GPS se sona OsmAnd e se teledescarga per l’Apple Store o Google Play Store. Al dintre de l’aplicacion teledescargada, cal causir l’occitan dins lo menut : « configurar la mapa > lenga de la mapa »
Una video o explica tot sus la pagina Facebook del Projècte Geoccitania.