Tot cadun que pòt contribuir a melhorar la preséncia de l'occitan en lo maine numeric.
Qu'ei çò qui hèm au Congrès de faiçon institucionau, mes que son mei anar mei nombrosas las platafòrmas que meten a contribucion los usatgèrs entà arrevirar lo son contiengut.
Atau, lo Quentin Pagès, contributor ahuecat qu'a dejà plan aviat l'arrevirada de tres sites a l'occitan, e que perpausa aus utilizators occitanofònes d'i participar, de tant qui l'òbra ei importanta :
- Firefox Send : si coneishetz probablament WeTransfer, aquiu qu'avetz ua alternativa, e que la podetz aver en occitan : https://pontoon.mozilla.org/oc/test-pilot-firefox-send/
- Mobilizon : platafòrma d'eveniments/agenda en linha, que podetz participar a completar e/o corregir la version occitana :
https://weblate.framasoft.org/languages/oc/mobilizon/ - Pi-hole : Un blocador de publicitat (deu tipe AdBlock), qui ei tostemps de bon hidar que non pas un blocador ja preinstallat dens un navegador. Avé'u en occitan qu'ei possible : https://crowdin.com/project/pi-hole
Si participatz a l'arrevirada d'ua platafòrma d'aquera traca, non esitetz pas a ns'ac har saber, que'ns haram lo relais deu tribalh hèit. La fòrça de la preséncia de la lenga en linha qu'ei un enjòc màger e non serà pas possible qu'a la condicion que los quites utilizators e participen ad aquera òbra collectiva. Mercés au Quentin Pagès e aus valents a viéner de har còrda tad ac har possible !