Iniciativa de difusion de la lenga : pairs e ensenhaires que sòrten d'apitar ua pagina dab un lexic imatjat escriut e audio en occitan.
Lo lexic aperat Lo Simonin, deu nom deu son creator, qu'ei tot juste aviat e qu'ei enqüèra en construccion mes que's pòt emplegar.
Qu'ei aisit d'emplec en classa com a casa : que sufeish de picar sus un imatge e lo mot qu'ei prononciat. Lo prètzhèit qu'èra de balhar un apèr de mei aus pairs e mairs entà har sortir la lenga de l'escòla.
L'objècte que's melhora a petit drin e los tèmas que s'ajustan chic a chic. Lo site ne's vòu pas exaustiu, sinon que consisteish en perpausar un lexic sintetic aus mainats e aus non-locutors dab tèmas qui s'emplègan tot dia. Que pòt servir per aquera temporada de desembarrament progressiu.
- Arretrobatz l'imatgèr sonòr