Ève Séguier, programatritz e infatigabla militanta occitana, a programat e publicat un Escrabble en occitan en linha.
Amb l'ajuda del Congrès, a menat una primièra reflexion a l'entorn de la frequéncia e del nombre de punts de las letras en occitan. A puèi programat una aplicacion que genèra un platèu d'Escrabble, e enfin, a desvolopat una plataforma que met en forma una ergonomia adaptada per jogar al jòc mai aimat dels amoroses de letras.
De notar qu'es disponible en lengadocian e en gascon, a un o mantun jogaire, e qu'una version junior ven d'èstre desvolopada. Aquela assegura als mai joves - qu'an fòrça besonh d'activitats pedagogicas en occitan - una continuitat amb la lenga dins un jòc classic mas tanben ludic.
Es tanben possible d'informar la programatritz d'errors eventualas o bugs en passant per la rubrica « Contacte » de la pagina.