Lingua Libre qu'ei un projècte de Wikimèdia Commons entà oralizar de faiçon contributiva los contienguts escriuts collaboratius de Wikimèdia.
Dens l'encastre deu partenariat dab Wikimèdia, e entà desvolopar la preséncia orala de l'occitan en linha entà tots, lo Congrès qu'a procedit a l'enregistrament e au barrejament de mei de 20 000 fòrmas deu diccionari Basic en occitan gascon e lengadocian (lo lexic ortografic referenciau francés/occitan).
Mercés au tribalh deus desvolopaires de Wikipèdia, tots qu'an accès - de faiçon libra - ad aqueth contiengut. Que's pòden d'ara enlà enténer suu Wiccionari. Que plaça l'occitan dens las lengas mei dotadas en enregistrament de LinguaLibre.