L'ÒPLO (Ofici public de la lenga occitana) recebèt a la debuta de març una delegacion de l'Institut du Galo (lenga romanica de Bretanha) compausada de la conselhèra regionala de Bretanha en carga del gallo, la presidenta, lo director e dels tecnicians de l'Institut du Galo (qu’a per mission lo desvolopament du gallò).
La delegacion faguèt una visita de tres jorns en Occitània per tal de descobrir la politica lingüistica e encontrar los operators per l'occitan. Venguèt lo primièr jorn a Pau ont poguèt encontrar los directors del CIRDÒC-Institut occitan de cultura e del Congrès permanent de la lenga occitana, que los presentèron lors institucions e lors realizacions.