Peu mes de heurèr passat, ua amassada que’s tienó enter los sòcis deu projècte Linguatec (Elhuyar, CNRS, Universitat de Tolosa, Lo Congrès permanent de la lenga occitana, IXA – UPV/EHU, Torisme d’Aragon e Euskaltzaindia) aus Archius istorics de Huesca.
Tad aquera escadença, ua equipa de la television basca EiTB que hasó un reportatge deus bèths entà la soa emission Teknopolis. Que i presenta de faiçon sintetica los enjòcs d’aquesta collaboracion transfronterèra. Pr’amor de la qualitat de l’emission en question, lo consòrci Linguatec qu’obtienó la permission de difusar-la. Qu’ei d’ara enlà disponibla en ÒCTele, sostitolada en occitan, francés e anglés.