Lo COMDT, Centre occitan de las musicas e danças tradicionalas, e la mediatèca occitana del CIRDÒC an decidit de perlongar lor partenariat per l'annada de 2014. Aquel pertòca la mediatèca numerica Occitanica.
Las contribucions del COMDT permetràn d'i far créisser lo nombre de ressorsas disponiblas en linha pel desvolopament de las coneissenças dins los domenis de las danças e musicas tradicionalas. Lo COMDT es d'efièit un centre de ressorsas consacrat a la cultura occitana de tradicion orala dins aqueles domenis. A per missions la salvagarda, la valorizacion e la transmission d'aquel patrimòni a travèrs l'ensenhament, la difusion, l'educacion artistica e culturala, la factura instrumentala e la documentacion.