Lo 12 de mai passat se debanèt en linha l’obrador Linguatec del laboratòri CLLE : Ressorsas e utisses pel tractament automatic de las lengas dels Pirinèus dins l’encastre del projècte EFA 227/16/LINGUATEC – Desvolopament de la cooperacion transfrontalièra e lo transferiment de coneissenças dins lo domeni de las tecnologias lingüisticas.
I participèron universitats e institucions de las divèrsas : l’Universitat Politecnica de Catalonha, l’Universitat de Barcelona, l’entrepresa Joliciel, lo laboratòri CLLE de l’Universitat de Tolosa Joan Jaurès, l’Universitat del País Basc (UPV/EHU) atal coma lo laboratòri IXA, l’Universitat de Colorado e Elhuyar.
Dubèrt a totes los cercaires interessats pel tractament automatic de las lengas pauc dotadas, s’i poguèt descobrir lo trabalh realizat dins l’encastre del projècte sul basc e l’occitan, mas tanben sus d’autras lengas coma lo catalan e lo sèrbi, e d’utisses generics pel tractament de las lengas.
Podètz tornar trobar la presentacion del tractament automatic de l’occitan, amb l’anotacion dels corpusses, aquí :
- Video sostitolat en occitan :
- Video sostitolat en francés :
- Video sostitolat en espanhòl :
- Video sostitolat en anglés :