Qué de nau au pòle Lenga & Societat tau mes d'octobre de 2023 ?
Au delà de las classicas demandas de traduccion e autas consultacions toponimicas e terminologicas, dus temps hòrts :
Tot purmèr ua intervencion auprès deus ensenhaires qui segueishen la formacion Ensenhar dab lo CFPÒC Navèra Aquitània a Salas (Bearn) : que s'i parlè deu nom de la lenga, de grafia, de politica lingüistica, mes tanben de socializacion de la lenga. Un bon moment d'escambi entà aver las ideas claras sus l'encastre socioculturau e sociolingüistic hens lo quau van a entrar quan sian en pòste.
En dusau, lo pòle Lenga & Societat que participè tà çò de l’integracion deu bilingüisme francés-occitan d'un guida de valorizacion de l'identitat bearnesa virat de cap a las comunas e intercomunalitats entau País de Bearn.
Que contribuí a las quitas traduccions en bearnés, d'aqueth guida nomenat Hami de Bearn atau com a la denominacion de la boeita de presentacion, aperada L'Esclipòt qui servirà tanben entà destecar las fichas de presentacion hens los autes domenis de competéncia deu pòle metropolitan (agricultura, economia, etc.).
Fin finala, lo site deu Parc naturau regionau deus Causses deu Carcin que perpausa d’ara enlà la soa version en occitan lengadocian :
Estatz-ve connectats !