Que’s tienó deu 24 au 26 de març passat en visioconferéncia lo 18au Congrès internacionau de las lengas minoritàrias (ICML), previst iniciaument a Bilbao.
Qu’estó per nosautes lo parat de participar, dab los sòcis d’Elhuyar e deu Govèrn d’Aragon, au talhèr titolat : Desvolopament tecnologic de las lengas minorizadas : un encastre innovant de collaboracion.
Lo consòrci deu Poctefa Linguatec qu’ei un partenariat entà la mutualizacion de las ressorsas entau desvolopament de las lengas minorizadas d’un espaci geografic partatjat, aquiu los Pirenèus, e que pòt inspirar d’autes actors entau lor desvolopament numeric.