A la demanda d'organizators deu Carnaval Biarnés (qui's debanè a Pau deu 22 de heurèr au 4 de març), Lo Congrès que realizè ua campanha de comunicacion arron las expressions occitanas de la hèsta. Atau qu'estón hèitas afichas, vedederas au capitèth de la Hauta Planta – e tanben suus hialats sociaus - pendent las temporas de Carnaval, dab expressions bearnesas : Hà's crebar lo borràs (minjar de tròp), Anar en dondèna (anar a la hèsta), Har deu palhassa (har lo bofon)...
Las expressions qu'estón tiradas d'ua navèra aplicacion que Lo Congrès ei a desvolopar, un diccionari de las locucions, expressions, citacions e biais de díser occitans. Aqueste que serà mes en linha fin de 2014 e qu'aurà l'objectiu de perpausar au public un utís tà enriquir la lenga per expressions metaforicas, construccions sintaxicas, etc... Que serà ligat au dicod'Òc e qu'aurà tanben ua partida de cap au gran public dab illustracions e enregistrament sonòrs.