Tostemps actiu, lo pòle Lenga & Societat tau mes de junh de 2023 !
Aqueste mes que i avó toponimes de la Comunautat d’aglomeracion País Basco entau tribalh deu pòle Lenga & Societat, dont tornaram a parlar pro lèu.
La mustra « Aussau 1920 » dont parlèm dens la letra deu mes passat qu'a lo son site pròpi.
Qu’i son presentats tots los rensenhaments tà çò d’aqueth projècte, e ua pagina qu’ei mei que mei dedicada au documentari hargat a partir de collectatges d’abitants de la vath d’Aussau - dab la collaboracion deu CIRDOC-Institut occitan de cultura - sostitolat per las nostas parts :
Aqueste mes de junh que’s debanè a Pau lo Centenari de las Quilhas de nau, dont ua mustra estó hicada a disposicion deu public a La Ciutat. Que’s carguè lo pòle Lenga & Societat de la soa arrevirada :
Lo Conselh departamentau deus Pirenèus Atlantics que valorizè l’avançada de las òbras de la Tor de Montaner dab ua video informativa, hèita bilingua peu pòle Lenga & Societat :
Fin finala, lo site deu noste partenari landés Esperit deu Sud 40 que perpausa d’ara enlà la soa version en occitan gascon :
Lo tribalh qui miam amassa que pòrta los sons fruts e mercés ad aquò, mei d’ua collectivitat landesa qu’a manifestat lo son interès per l’arrevirada a la volada de la lor platafòrma en linha.
Estatz-ve connectats, e un bon estiu tà tots !