Com tots ans, l'InÒc Aquitània que s'i torna dab la soa campanha d'afichatge « Bona annada ». Com tots ans, la lenga occitana que serà atau socializada mercés a un messatge simple e amistós, lo deus vòts de la bona annada.
De 2003 enlà, l'associacion que perpausa un visuau a diferents partenaris publics e privats tà har los lors vòts en lenga nosta.
Augan, l'estructura qu'a volut har un omenatge a l'aviada de la purmèra television sancèrament en occitan, ÒC tele. Que figura doncas suu visuau de la « Bona annada » de 2014 que serà vededer sus l'ensemble deu territòri aquitan e tanben en Mieidia-Pirenèas.
Que trobaratz lo visuau en granda talha, ua petita vidèo e tots los explics sus la campanha « Bona annada » suu site de l'InÒc d'Aquitània.