L'InÒc Aquitània qu'ei estat labellizat « Ethnopôle » peu Ministèri de la Cultura e de la Comunicacion. Aqueth labèl nacionau qu'ei balhat a ua institucion qui òbra aus nivèus regionau e nacionau en mestior de recèrca, d'informacion e d'accion culturau.
Lo labèl que'estó balhat tà tres airaus : l'etnomusicologia de França, la sauvaguarda deu patrimòni culturau immateriau de l'espaci occitan e l'etnomusicologia deus territòris. En efèit, l'InÒc que tribalha despuish annadas en lo maine deu patrimòni etnologic e immateriau, que sia peu miei de la produccion scientifica, de l'assisténcia a la mestresa d'obratge tà la collècta de la memòria e lo tractament documentari deus fons d'archius, o enqüèra dab la valorizacion e la mediacion de las practicas e deus saber-har. Qu'òbra tanben a la valorizacion numerica deu patrimòni dab los sites Sondaqui e Troubadours d'Aquitaine.