Lo 4 de junh passat, Lo Congrès participèt a la conferéncia internacionala ContribuLing 2021 organizada per l'Inalco, Wikimedia, la BULAC e l'UQAM.
Aquela conferéncia en linha a l'entorn del numeric collaboratiu per las lengas minoritàrias se tenguèt los 3 e 4 de junh. Lo Congrès i presentèt los projèctes que mena o qu'a menat a l'entorn dels otisses de Wikimedia :
- Lo versament de formas flechidas occitanas a Wikidata Lexeme ;
- L'enregistrament de mai de 20 000 mots occitans sus Lingua Libre ;
- L'enregistrament d'expressions dins Lingua Libre pendent l'Oc-a-ton de 2016 ;
- L'activitat pedagogica de creacion de mini-documentaris mercés a Wikidata, Wikipèdia e Commons.
- Veire la video de l'intervencion ;
- Veire lo diaporama de l'intervencion.