Lo CIRDÒC, la mediatèca occitana, lança per 2014 un concors a destinacion dels enfants que practican l'occitan. L'objectiu es l'interpretacion d'istòrias en utilizant la tecnica dels kamishibai.
Lo kamishibai es una tecnica de conte japonesa. Lo contaire fa defilar de plancas cartonadas dins un petit teatre de fusta. Sus caduna es pintrat un imatge qu'illustra un episòdi de l'istòria. Sul vèrso es escrit lo tèxte que deu dire lo contaire.
Los enfants se pòdon entraïnar en classa a contar amb los kamishibai. Se devon puèi filmar e mandar la vidèo al CIRDÒC abans lo 31 de mai. Poiràn atal ganhar de butai, de kamishibai e d'autres prèmis.
Lo règlament complet es disponible sul site del CIRDÒC.