Mantenut e adaptat, podètz tornar trapar vòstre rendètz-vos occitan annal de contes, conferéncias, poesia, danças, musicas e autras animacions culturalas.
Creada en 2001, l’associacion Lenga Viva e sos benevòls organiza l’Universitat occitana d’estiu de La Guépia : una setmana estivenca animada per de conferéncias, de talhièrs de lenga, de dança o de cant, de concèrts e de rencontres. Tot aquò, plan segur, a l’entorn de la lenga e de la cultura occitanas.
La Guépia es doncas un luòc e un temps d’ensenhament, d’animacion, d’estudi mas tanben un moment de rencontres (e d’escambis) improbables enlòc mai : los aprenents dels corses pòdon parlar amb d’occitanofòns del vesinatge, aital coma amb d’escrivans, d’intellectuals e d’artistas famoses, los ancians savis als joves afogats, la cultura sapienta rencontra la cultura populara, los estrangièrs rencontran los del país sus de questions d’istòria e de patrimòni.
Tot aquò dins un ambient a l’encòp estudiós e destibat, los pès al frèsc dins l’aiga de Viaur e d’Avairon, e amb la consciéncia de preparar, sul front, l’avenidor del país.