Après aquera quatau edicion de la Passem, tornem sus las accions miadas per l'establiment tot lo long de la corsa.
Per memòria, un partenariat enter lo CIRDÒC-Institut occitan de cultura, l'Ofici public de la lenga occitana e lo Congrès permanent de la lenga occitana qu'avè permetut lo desplegament deu dispositiu Escotar-Parlar (o lo Laboratòri mobile de las lengas), produsit per la DGLFLF e HumaNum, projècte culturau e scientific qui consisteish a córrer lo territòri a bòrd d'un camion entà enregistrar conversacions e autes practicas lingüisticas quotidianas de França.
Atau, au tèrmi d'aqueths 10 dias, la caravana que podó collectar 130 personas, e las lors contribucions que seràn integradas au Portrait sonore de la France portat peu dispositiu.
Aqueras intervencions sus plaça que permetón tanben de har lo ligam dab los elegits locaus e de sensibilizar las abitantas e abitants a la preséncia de la lenga suu lor territòri. 2000 cartas postaus, pega-solets, coloratges, jòcs de cartas qu'estón tanben distribuïts aus publics.
Lo Congrès que tien a mercejar l'associacion Ligams atau com los sons partenaris e sostiens deu projècte entau lor engatjament e lo lor sostien.
