L'Universitat de Lhèida organiza un seminari Sobeiranetat numerica-tecnologica, pòbles e lengas minorizadas, sus dos jorns al mes d'octobre de 2025.
Lo 9 d'octobre Ryan Furness (9H30) presentarà de desvolopaments per l'aragonés e l'occitan aranés (per aqueste creèt subretot un conjugador automatic e un lexic anglés-aranés) e Benaset Dazéas, director del Congrès permanent de la lenga occitana (11H30) presentarà la fuèlha de rota 2024-2028 de desvolopament numeric de l'occitan.
Lo 17 d'octobre Gerard Vélez Vivas (9H30) parlarà del desfís de l'usatge del catalan dins lo domeni numeric, e Aidan Villaécija expausarà los espleits e ressorsas qu'existisson en lenga dels signes catalana.
L'eveniment es obèrt a totas e totes, es possible de seguir per visioconferéncia al ligam seguent :
