La XVIIIena edicion del Premio Ostana se farà a Ostana en Itàlia, comuna de lenga e cultura occitana en Piemont, del 25 al 28 de junh de 2026.
Lo Premio Ostana es un prèmi literari de traduccion, de composicion musicala e de cinèma dedicat a las lengas mairalas, a la diversitat lingüistica dins lo mond, als dreches lingüistics e a la biodiversitat de la quala las lengas son portairas istoricas.
Las uèch seccions a l'entorn de las qualas s'organiza la manifestacion son : Prètz especial, Prètz internacional, Prèmi minoritats lingüisticas en Itàlia, Prèmi lenga occitana, Prèses joves, Prèmis traduccion, Prèmi composicion musicala, Prèmi cinèma. Los laureats de l'annada 2026 son atal convidats a participar jos la forma de conferéncias en public, uèch categorias per uèch artistas, dins un ambient d'escambi e de convivéncia.
Ongan, lo prètz de la lenga occitana foguèt emportat per Joan Frederic Brun.
Poèta e escrivan en lenga occitana, es tanben president del PEN Club occitan dempuèi 2007 e obrèt per son insercion dins lo PEN internacional.
Intervendrà lo dijòus 25 de junh e lo divendres 26 de junh al costat d'Éliane Tourtet, dins l'encastre d'un rencontre sus la tematica « L'occitan, lenga dau país verai ».