Tres dias consacrats a la cultura gascona e comengesa.
Lo País Luishonés e Comenge que son coneishuts entau lor patrimòni culturau e culinari rics. Cada annada, la hèsta gascona qu'ei l'eveniment hòrt atenut peus abitants de la region e los visitaires qui vienen nombrós descobrir e partatjar la soa cultura e las soas montanhas.
Activitats de las nombrosas que seràn prepausadas tot lo long deus tres dias de la hèsta gascona : talhèrs, escambis, conferéncias, exposicions, projeccions, passejadas contadas, descobèrta deu patrimòni, jòcs, danças, cants, tradicions... Dont un talhèr numeric assegurat peu Congrès lo diluns 14 d'aost au Complèxe Casino. Animacions entaus mainatges que son previstas autanplan.
Com punt d'òrgue, lo dimenge 13 d'aost au ser, un concèrt deu grop Nadau qui hesteja augan los sons 50 ans d’empont.
L'organizacion, assegurada per Era pastorala de Luishon, que desira atau celebrar « ua cultura viva, pròpia a la nosta identitat, ubèrta aus autes, ua cultura qui's transmet e qui's partatja », a l'entorn de la tematica de la cosina regionau entad aquesta edicion 2023.
La hèsta gascona que s'acabarà peu tradicionau bal gascon deu 15 d'aost sus la plaça deu mercat, dab los musicians e cantaires vienuts de Comenge.