Letra de ligason :

Sélectionnez votre langue

Actualitats

IIau Congrès internacionau sus comunicacion, tecnologia e lengües minoritàries

Eth Conselh Generau d’Aran organize, amassa damb RTVE, era Universitat Pompeu Fabra e era Universitat de Lleida, era dusau edicion deth Congrès Internacionau sus Comunicacion, Tecnologia e Lengües Minoritàries, ua trobada de reflexion sus es rèptes e oportunitats qu’an es lengües minoritàries deuant dera transformacion digitau e era irrupcion dera intelligéncia artificiau.

Damb eth tèma Eth futur des lengües minoritàries a trauès dera comunicacion, eth congrès se celebrarà es dies 26 e 27 de noveme en Era Audiovisuau, e amassarà representants de mejans de comunicacion publics, investigadors, universitats, enterpresas tecnologiques e institucions lingüistiques provenentes de tota Euròpa.

Eth programa includís era participacion de representants d’organizacions de referéncia com era European Broadcasting Union (EBU), Public Media Alliance, RTVE, EITB, 3Cat, RTVA, Swedish Radio, BBC ALBA e France 3 Corse ViaStella, atau coma expèrts de Microsoft, ElevenLabs e deth Barcelona Supercomputing Center.

Es sessions tractaràn qüestions clau com era creacion de contenguts digitaus en lengües minoritàries, era foncion des mejans de comunicacion ena normalizacion lingüistica, es naui modèls audiovisuaus europèus e es oportunitats qu’aufrís era intelligéncia artificiau entà sauvar era preséncia, era competitivitat e era vitalitat des lengües damb mens recorsi enes entorns digitaus.