De talhièrs, de corses de lenga, de conferéncias, d’espectacles, d’activitats pels jovents e drollets e mai encara, al rendètz-vos annadièr que se tendrà del 13 al 19 d’agost a Vilanuèva d’Òut (47).
Coma de costuma, poiretz aprene l’occitan gascon, lengadocian o lemosin de biais intensiu o semi-intensiu de matin, e aver accès a d’activitats culturalas las tantossadas o lo ser. Es possible tanben de venir en familha amb d’activitats previstas pels mai joves.
De tarifas flexiblas son previstas en foncion de la situacion de cadun, e se pòt far finançar aquela formacion dins l’encastre de la formacion professionala.
Avètz fins al 27 de julhet per vos marcar, o manquetz pas !