Del divendres 7 al dimenge 9 d'octobre de 2022 se debanaràn los 3ens rencontres suls parlars del Creissent a Boçac.
Organizats per un collectiu de cercaires universitaris e/o trabalhant al CNRS, los rencontres de Boçac son obèrts a totes los apròchis en sciéncias del lengatge e encoratjan tanben las proposicions a caractèr interdisciplinari portant suls parlars del Creissent e l'aira lingüistica del Creissent
Demest los subjèctes tractats, s'i retròban tanplan los parlars romanics en contacte amb de varietats del Creissent (dont l'occitan auvernhat e lemosin), lo francés regional practicat dins l'aira lingüistica del Creissent e tanben d'autras disciplinas de las sciéncias umanas (antropologia, etnologia, istòria...) en ligam amb la zòna del Creissent.
Lo Congrès permanent de la lenga occitana i serà per i presentar son projècte de Constitucion d'un còrpus de tractament automatic de las lengas (TAL) en occitan, estat dels luòcs e perspectivas. Una contribucion qu'a per tòca de far progressar la recèrca en lingüistica aplicada al TAL, en desirant que siá instructiva per totas las lengas minorizadas, dont los Parlars del Creissent.