Los 6 e 20 junh passats, au Mont e a Semisens, que’s hasè la 3au edicion de l’eveniment Ahuecats organizat per l’associacion Cultura de Noste.
Los mainats de mei d’ua escòla que descobrín lo Patrimòni culturau immateriau gascon mercés a jòcs creats en aliança dab l’Ofici publc de la lena occitana, lo Congrès permanent de la lenga occitana e lo CIRDOC-Institut occitan de cultura.
Que son mei de 70 classas de tot lo departament de las Lanas qui podón parcicipar a talhèrs :
- musica e canta dab lo Conservatòri de las Lanas e lo duò Rousse-Tisnèr ;
- dança e chancas dab Los Chancaires de Sent Pèr de Lèren ;
- quilhas dab los volontaris de l'ACPL ;
- fabricacion de gigant dab Will lo Maniclaire ;
- toponimia dab Òc-bi ;
- e jòcs de societat creats especificament entad aquera escadença per l'Ofici public de la lenga occitana, lo CIRDÒC-Institut occitan de cultura e lo Congrès permanent de la lenga occitana.
Animada en especiau per Maude Puech e Rémy Berdou, ua version landesa deu jòc de l'auca que permetó aus escolans de viatjar peu Patrimòni Culturau Immateriau gascon e per la lenga occitana.
Que s’i presentè tanben autes jòcs : mots mesclats, messatges codats, qui ei ?, memò sus las recèptas de cosina, jòc sus las sasons…