Formacions 2015 del CFPO Miègjorn-Pirenèus
Lo CFPO de Miègjorn-Pirenèus prepausa de formacions a la lenga e la cultura occitanas en genièr de 2015. La primièra es una formacion intensiva a l'occitan modèrne titolada : « preparacion als mestièrs ligats a la lenga e a la cultura occitanas ». Las autras son de formacions qualificantas a distància a la lenga, per tres nivèls.
Exposicion « (Extra)ordinaire quotidien » suu PCI d'Aquitània
Lo MEB e lo laboratòri ITEM de l'Universitat de Pau e deus País de l'Ador qu'inaugurèn, lo 18 de seteme de 2014, l'exposicion « (Extra)ordinaire quotidien », consacrada au Patrimòni Culturau Immateriau en Aquitània.
Jornadas del patrimòni al CIRDÒC
Las jornadas europèas del patrimòni se faràn ongan los 20 e 21 de setembre. Lo tèma ne serà : « Patrimòni cultural – patrimòni natural ». L'occitan i serà present en mantun endreit, per exemple al CIRDÒC.
Trobada Guilhèm d'Aquitània
La comuna de Peitieus qu'arcuelherà los divés 12 e dissabte 13 de seteme ua trobada internacionau autorn de Guilhem d'Aquitània, organizada per Katy Bernard, presidenta de l'InÒc Aquitània, jos l'egida de l'AIEO.
Venètz formators en occitan !
Lo CFPO de Lengadòc prepausa una formacion de formators professionals en lenga e cultura occitanas del primièr d'octòbre de 2014 al 24 de julhet de 2015.
Annuari del labèl Òc per l'occitan
Lo labèl Òc per l'occitan que son tres nivèus d'engatjament arron la lenga e la cultura occitanas. D'ua simpla adesion, que pòt anar dinc a ua presa en compte de 100 % de l'occitan dens la realitat economica d'ua enterpresa. Aqueste labèl, gessit d'ua aliança enter l'Institut d'estudis Occitans e l'Ofici per l'occitan, que sòrt de publicar lo son annuari 2014 deus labellizats.
Tres novèls editors en cò d'IEO Difusion
Dempuèi aqueste estiu, tres novèls editors son difusats per IEO Difusion. La Poesia, un ostal d'edicion pels joves, Reclams e Novelum, la seccion de l'IEO de Perigòrd, fan ara partida del catalòg.
The Watcher at the Cistern
Jorn e lo Pen-Club de lenga d'òc publican una edicion bilingua anglés-occitan de La Gacha a la Cistèrna de Robèrt Lafont. Aquela òbra representa la sintèsi e lo pinacle del trabalh de l'autor occitan.
Montpelhierencas de Felip Gardy
A cadun sa vila… a cadun sei paisatges. Dins la profusion deis arbres e dei peiras, coma perduts entre lei molonadas que passan cada jorn dins lei carrieras ont cadun de nosautres passam tanben, per de bònei rasons ò sensa rason, siam solets. Leis itineraris que se fargam son lo rescòntre de volers escurs e d’abandons fugidís.
Paraulas de Novelum
Lo numèro 144 de la revista Paraulas de Novelum ven de paréisser. Aquesta revista trimestrala tota en occitan publica d'articles sus la lenga e la cultura occitanas, de tèxtes literaris, la critica de las nautats paregudas dins Occitània tota e rubricas divèrsas (toponimia, cosina...).
Una colleccion de Livres EMCC consacraa a l'occitan e au francoprovençau
Las edicions Livres EMCC venon d'obrir una colleccion titolaa « Régionales ». Dirigiá per Jean-Baptiste Martin, sòci dau Conselh lingüistic dau Congrès, prepausa d'obratges dins o sus las lengas regionalas.
Diccionari scientific francés-occitan de Josiana Ubaud
Josiana Ubaud publica un Diccionari scientific francés-occitan. Balha, per l'occitan lengadocian e l'occitan provençal, lo vocabulari de las matematicas, de l'informatica, de la fisica, de la tecnologia, de la quimia e de la mineralogia.
Presentacion de l'Ofici public de la lenga occitana a l'Estivada
Lo 25 de julhet passat, au parat de l'Estivada - hestau interregionau de las culturas occitanas, Guilhèm Latruvèrsa, conselhèr regionau de Mieidia-Pirenèus, e Dàvid Grosclaude, conselhèr regionau d'Aquitània, que presentèn l'Ofici public de la lenga occitana (OLPLO) aus operators.
Vidas, un diccionari biografic sus Occitanica
La compausanta LLACS/REDOC de l'Universitat Paul Valery de Montpelhièr e lo CIRDÒC venon de realizar un diccionari biografic en linha dedicat als actors dels movements occitans.
L'Enfugida
Aquel raconte de Joan-Ives Casanòva nos mena dins l’escur d’aqueles escambis que se i farga la vida de cadun dels personatges. Per la fòrça d’una escritura que cèrca de res oblidar, e que pasmens ne finís pas de se negar dins los entrebescaments de la memòria, sèm entraïnats dins la tenèbra de l’Istòria.
locongres.org 2.0 : navèth site, navèras foncionalitats !
Au cap d'un an e miei de foncionament, Lo Congrès qu'avia la version 2.0 deu son site ! Tà respóner miélher aus besonhs, que l'avem actualizat e enriquit de ressorsas navèras.
Lo lingüista e escrivan occitan Pèire Bec que ns'a quitats
Pèire Bec, lo gran lingüista e escrivan occitan, que ns’a deishats aqueth diluns 30 de junh 2014.
Lo Congrès que hasó la soa Amassada Generau
L'Amassada Generau Ordinària deu Congrès permanent de la lenga occitana que s'amassè lo 21 de mai de 2014 a l'Ostal d'Occitània a Tolosa. Devath la presidéncia de Gilabèrt Mercadièr, los sòcis que hasón lo bilanç formau de 2013 e qu'escambièn suu programa d'accion tà 2014.
La jornada d'estudis a l'entorn de Leon Còrdas sus Occitanica
Lo CIRDÒC a realizat una captacion sonòra de la jornada d'estudis consacrada a Leon Còrdas, organizada lo 22 de novembre de 2013 per RedÒc, la compausanta del laboratòri de recèrca LLACS de l'Universitat Montpellier III. La prepausa a l'escota sus Occitanica.
Des littératures périphériques
Las Presses Universitaires de Rennes publican un recuèlh d'articles sus las literaturas « regionalas, petitas, connèxas, minoras, minorizadas o marginalas ». Se titola : Des littératures périphériques.
Publicacion deus actes sus Xavièr Navarròt
L'associacion Transmetem que hè paréisher los actes de la jornada d'estudi consacrada en 2012 au 150au aniversari de la mort de Xavièr Navarròt, lo poèta e cançonaire auloronés, dens un libe titolat : Trobada d'agòr/Xavier Navarròt (1799-1862).
Gestion des minorités linguistiques dans l’Europe du XXIe siècle
Las Éditions Lambert-Lucas publican Gestion des minorités linguistiques dans l’Europe du XXIe siècle. Jos la direccion de Carmen Alén Garabato, aquel obratge recampa d'articles sus las minoritats lingüisticas de tot lo continent.
Collòqui sus las lengas a l'Amassada nacionau
A l'iniciativa de Colette Capdevielle, e dab lo sostien de Jean-Jacques Urvoas e Paul Molac, un collòqui sus l'aviéner de las lengas regionaus en França qu'èra organizat lo dimars 3 de junh a l'Assemblada nacionau.