Lo numèro 144 de la revista Paraulas de Novelum ven de paréisser. Aquesta revista trimestrala tota en occitan publica d'articles sus la lenga e la cultura occitanas, de tèxtes literaris, la critica de las nautats paregudas dins Occitània tota e rubricas divèrsas (toponimia, cosina...).
Las edicions Livres EMCC venon d'obrir una colleccion titolaa « Régionales ». Dirigiá per Jean-Baptiste Martin, sòci dau Conselh lingüistic dau Congrès, prepausa d'obratges dins o sus las lengas regionalas.
Josiana Ubaud publica un Diccionari scientific francés-occitan. Balha, per l'occitan lengadocian e l'occitan provençal, lo vocabulari de las matematicas, de l'informatica, de la fisica, de la tecnologia, de la quimia e de la mineralogia.
Lo 25 de julhet passat, au parat de l'Estivada - hestau interregionau de las culturas occitanas, Guilhèm Latruvèrsa, conselhèr regionau de Mieidia-Pirenèus, e Dàvid Grosclaude, conselhèr regionau d'Aquitània, que presentèn l'Ofici public de la lenga occitana (OLPLO) aus operators.
La compausanta LLACS/REDOC de l'Universitat Paul Valery de Montpelhièr e lo CIRDÒC venon de realizar un diccionari biografic en linha dedicat als actors dels movements occitans.
Aquel raconte de Joan-Ives Casanòva nos mena dins l’escur d’aqueles escambis que se i farga la vida de cadun dels personatges. Per la fòrça d’una escritura que cèrca de res oblidar, e que pasmens ne finís pas de se negar dins los entrebescaments de la memòria, sèm entraïnats dins la tenèbra de l’Istòria.
Au cap d'un an e miei de foncionament, Lo Congrès qu'avia la version 2.0 deu son site ! Tà respóner miélher aus besonhs, que l'avem actualizat e enriquit de ressorsas navèras.
Pèire Bec, lo gran lingüista e escrivan occitan, que ns’a deishats aqueth diluns 30 de junh 2014.
L'Amassada Generau Ordinària deu Congrès permanent de la lenga occitana que s'amassè lo 21 de mai de 2014 a l'Ostal d'Occitània a Tolosa. Devath la presidéncia de Gilabèrt Mercadièr, los sòcis que hasón lo bilanç formau de 2013 e qu'escambièn suu programa d'accion tà 2014.
Lo CIRDÒC a realizat una captacion sonòra de la jornada d'estudis consacrada a Leon Còrdas, organizada lo 22 de novembre de 2013 per RedÒc, la compausanta del laboratòri de recèrca LLACS de l'Universitat Montpellier III. La prepausa a l'escota sus Occitanica.
Las Presses Universitaires de Rennes publican un recuèlh d'articles sus las literaturas « regionalas, petitas, connèxas, minoras, minorizadas o marginalas ». Se titola : Des littératures périphériques.
L'associacion Transmetem que hè paréisher los actes de la jornada d'estudi consacrada en 2012 au 150au aniversari de la mort de Xavièr Navarròt, lo poèta e cançonaire auloronés, dens un libe titolat : Trobada d'agòr/Xavier Navarròt (1799-1862).
Las Éditions Lambert-Lucas publican Gestion des minorités linguistiques dans l’Europe du XXIe siècle. Jos la direccion de Carmen Alén Garabato, aquel obratge recampa d'articles sus las minoritats lingüisticas de tot lo continent.
A l'iniciativa de Colette Capdevielle, e dab lo sostien de Jean-Jacques Urvoas e Paul Molac, un collòqui sus l'aviéner de las lengas regionaus en França qu'èra organizat lo dimars 3 de junh a l'Assemblada nacionau.
Aqueth petit còdi, prefaciat per Aurélie Filippetti, que s'adreça a tots los qui son pertocats per ua melhora reconeishença de las lengas de França o qui s'interèssan a la pluralitat culturau, dont las lengas e son los vectors.
Coma cada annada, en julhet e en agost, poiretz apréner l'occitan a l'escasença de las escòlas e universitats occitanas d'estiu. I aurà l'UOE a Nimes del 5 al 9 de julhet, la de La Guépia del 7 al 13 de julhet e l'EOE de Vilanuèva d'Òut del 17 au 23 d'agost.
Lo XIen congrès de l'Associacion internacionala d'estudis occitans se debanarà del 16 al 21 de junh a Lhèida, en Catalonha. Quicòm coma 150 personas vengudas d'un seissantenat d'universitats d'un dotzenat d'Estats i intervendràn sus divèrsas tematicas ligadas a la lenga e la cultura occitanas.
Lo Congrès, dab lo sostien de l'ADEPFO (Associacion de desvolopament deus Pirenèus per la formacion), qu'a decidit de miar ua afranquida inedita arron l'estrategia numerica tà l'occitan. Lo prètzhèit qu'ei d'aviar ua reflexion collectiva arron un plan de desvolopament digitau tà l'occitan.
Marc Héléna lança una soscripcion per un « diccionari occitan-francés lingüistic e etnografic deu parlar de Gruissan (Aude) ». Se titola La Mémoire d'un village languedocien.
La Confederacion de las escòlas laïcas Calandretas organizarà son 28en congrès del 29 al 31 de mai a Mejanas lo Clap, dins Gard. La tematica que ne serà : « Calandreta : per cultura avançar ».
L'InÒc Aquitània e lo laboratòri ITEM de l'Universitat de Pau e deus país de l'Ador que coorganizèn a Pau, deu 15 au 17 de mai, un collòqui internacionau titolat « Lo Patrimòni Culturau Immateriau : de l'inventari a la governança ».
Letras d'Òc torna editar Les Secrèts de las Bèstias, lo libre de contes d'Andrieu Lagarda. Vos farà viatjar al país de las bèstias que parlan e de Jan Bèstia, dels castèls encantats e dels ponts de veire, de las filhas de rei e del diable colhonat, de las bruèissas e de Jan de l'Ors, de Pitcendràs e dels menaires de lops, de las còrnas d'aur e de l'òme dels dets copats…
A l'escasença del centenari de la mòrt de Frederic Mistral, lo CIRDÒC a mes en linha una bibliotèca virtuala que li es consacrada al dintre de la mediatèca numerica Occitanica. Prepausa quicòm coma 200 ressorsas originalas o ineditas a l'entorn de l'autor provençal e de son òbra, e serà enriquida a mesura del temps.