Lo Congrès e la FIMÒC qu'organizan un encontre-formacion tà çò deu vocabulari de l'actualitat en occitan lo 25 de noveme a Tolosa e lo 5 de deceme a Vilhèra.
Qu'an titolat la formacion « Iniciacion a la terminologia e talhèr de creacion de ressorsas en occitan tà l'actualitat jornalistica ». Que l'an pensada entà un public professionau de transmission de la lenga (jornalistas, animators de ràdio), mes que pòt interessar tanben los institucionaus, los formators, los ensenhaires...
Que s'i tractarà prumèr de la terminologia e deus sons enjòcs tà ua lenga minorizada. Puish que s'i parlarà concrètament de la faiçon de hargar lexics e enfin de definir los besonhs de vocabulari en occitan tau maine deus mèdias e deus maines vesins.
Que poderatz assistir a la formacion a Tolosa lo 25 de noveme o a Vilhèra lo 5 de deceme.
- Tà v'inscríver :
Cette adresse e-mail est protégée contre les robots spammeurs. Vous devez activer le JavaScript pour la visualiser.