Actualitats

Novèlas de sciéncia-ficcion, provèrbes, poesia en musica, questions de societat... Las novetats literàrias deu mes d’abriu 2024.

• L'IEO Òlt ven de publicar l'obratge Sagesse du Quercy : 980 proverbes recueillis par l’abbé Lacoste (1851-1924). Aqueles provèrbis, majoritàriament inedits, foguèron reculhits dins 39 comunas principalament situadas en val d'Òlt.
  Per ne saber mai
  
  
• Las edicions Lambert-Lucas prepausan una reedicion del Petit dictionnaire provençal-français d’Emil Levy.
  « Dins lo títol del Petit dictionnaire, provençal significa “lenga d'òc de l'Edat Mejana, ancian occitan”, segon un usatge "pars pro toto" uèi menaçat de desuetud en França. Lo provençal de Levy englòba de fach, sus un pè d'egalitat, totas las varietats de l'occitan… » (Extrach de l'abansprepaus de Jean-Pierre Chambon)
  Per ne saber mai
  
  
• Duas sortidas a las edicions Per Noste : 
  
  • Navèth obratge d'anticipacion : Comuns Papèrs de Canhàs.
    « De la ciutat ipertecnologica au desèrt postapocaliptic, ua idea que s’està invençuda : la vita ne’s pòt pas estofar. »
    Tà'n saber mei
  • Navèra parucion de sciéncia-ficcion : Negre mat, un recuelh de sèt novèlas per Felip Biu sortit au mes de març.
    Tà'n saber mei 
    
    
• Doas novèlas sortidas joventut a las edicions Edite-moi :
  
  • Sòmis de savana de Bertrand Albèrga, illustrat per Anne Rizzo. Un conte bilingüe occitan/francés, revirat en occitan pels escolans del collègi Louis Denayrouze d'Espaliu (Avairon).
    Per ne saber mai
  • Bon viatge, pichon tren ! de Sylvie Ferrero. L'istòria del viatge d'un pichon tren e de sos passatgièrs.
    Per ne saber mai
    
    
• Parle a un pòble, un novèl libre-CD d'Eric Fraj que serà consacrat a l'òbra poetica de Robèrt Lafont, sortirà a la fin d'abril a las edicions Tròba Vox. De notar qu'es ja possible de l'aquerir per soscripcion.
  Per ne saber mai
  
  
• Las edicions Reclams que vienen de publicar lo dusau tòme de L'ABC del Saber, libe-revista qui estudia grans subjèctes d'actualitat en partir d'ua pluralitat de disciplinas e de perspectivas. Aqueth que's dedica a l'energia, dens lo monde, dens l'istòria, en los enjòcs de uei lo dia.
  Tà'n saber mei