La còla de recèrcas RedOc / LLACS de l'Universitat Paul-Valéry de Montpelhièr vòl organizar una jornada d'estudi sus Pèire Bec, lo romanista, dialectològ, escrivan e militant. Fa una crida a comunicacions per aquel eveniment.
Letras d'Òc publica un recuèlh de novèlas ineditas d'Ives Roqueta, A cada jorn, son mièg lum.
Dempuèi tres ans, Lo Congrès farga d'aisinas lingüisticas en linha per l'occitan, en ensajant de respondre al mai plan als besonhs dels usatgièrs. Per contunhar dins aquela dralha, demandam uèi vòstre vejaire e vòstras suggestions suls otisses presents e a venir.
Qu'ei dab tristèr qui aprengom la despartida de Jan Moreu en un miscap com s'amontanhava. Que volem saludar la memòria d'aqueth quadre deus màgers qui òbran tà la lenga occitana. Que presentam las nostas condolenças sincèras a la soa familha e aus sons tanhents.
David Grosclaude, Conseiller régional d’Aquitaine, a entamé le 27 mai dernier une grève de la faim pour dénoncer ce qu’il appelle le « mépris de l’État » envers l’occitan.
L'Amassada generau deu Congrès permanent de la lenga occitana que's debanè lo 6 de mai a Tolosa. Qu'estó lo parat tà Gilabèrt Mercadièr, President deu Congrès, de tornar sus un an 2014 deus rics tà l'organisme de regulacion de l'occitan.
Fins al 28 de mai vos podètz inscriure a la Jurada, l'examèn d'entrada a la formacion de regent de Calandreta que prepausa lo centre APRENE.
Lo CFPO de Lengadòc prepausa los 10 de junh e 8 de julhet d'acamps d'informacion sus sa formacion de Formator professional en lenga e cultura occitanas.
Jan Labourie qu'a realizat tres filmòts sus Calandreta. Que'us podetz d'arà enlà espiar en linha.
Las edicions Reclams que publican Au nom de la langue / Au nom de la lenga, lo darrèr obratge, bilingüe, de Sèrgi Javaloyès.
Après 12 ans de recèrcas apassionadas, Jacques Teisseire que hè paréisher aqueth obratge sus la toponimia de Haut-Comenge, publicat per l'Ostau comengés.
Dab aqueth obratge, Jan Bonnemason que'vs prepausa d'explorar los noms de las carrèras deu Bordèu istoric.
La jornada del libre occitan se debanarà a Sent Orenç, en Garona-Nauta, lo dimenge 31 de mai. I aurà tota la jornada un mercat del libre, un mercat occitan e d'autras animacions.
La jornada del CREO Lengadòc se debanarà lo 6 de junh al CRDP de Montpelhièr e aurà per tematica « Musica e cant en occitan ».
La basa de dadas d'expressions en occitan deu Congrès, l'express'Òc, que'vs perpausa d'ara enlà tres cents expressions illustradas a léger e a escotar.
Lo novèl esquèma regional de desvolopament de l'occitan en Miègjorn-Pirenèus, adoptat en decembre passat en amassada plenièra, cobrís lo periòde de 2015 a 2020 e perlonga lo tèxte precedent, adoptat en 2007.
Lo Conselh regionau d'Aquitània, au parat de la Comission permanenta deu 2 de març passat, que tornè afirmar lo son sostien a la lenga occitana. Despuish 2004, la Region qu'ei engatjada dens ua politica lingüistica volontarista sus l'ensemble deu son territòri.
Los futurs estudiants de Master d'Aquitània e de Mieidia-Pirenèus, dab los ensenhaires monolingües d'Aquitània qui's volhan formar tà ensenhar en occitan, que pòden postular tà las borsas « Ensenhar » prepausadas per las duas Regions.
La reforma del collègi anonciada pel govèrn francés preocupa totas las associacions qu'òbran per la promocion de l'ensenhament de las lengas regionalas. Crentan una regression de las possibilitats realas d'ensenhament. An lançat una peticion titolada « Manten e desvolopament de l'ensenhament de las lengas regionalas al collègi ».
Lo CIRDÒC organiza la segonda Jornada professionala del malhum Occitanica lo dijaus 28 de mai dins sos locals a Besièrs. La tematica ne serà « La numerizacion del patrimòni per la transmission de las lengas de França ».
La Confederacion occitana de las escòlas laïcas Calandretas farà son amassada generala lo 16 de mai al CIRDÒC de Besièrs.
L'amassada generala de l'IEO se debanarà los 9 e 10 de mai a Monteleimar, al palais dels congrèsses Charles Aznavour.
Letras d'Òc que crea un prèmi de traduccion en lenga occitana. Qu'i podetz participar en enviant la revirada d'ua ficcion en pròsa non francofòna, dirèctament de la lenga d'origina.