La Region Occitània / Pirenèus-Mediterranèa lança una crida a projèctes en Educacion Artistica e Culturala (EAC) en catalan e/o occitan dins los establiments escolars, per l'annada 2024-2025. La tematica per aquela annada es Environament e Desvolopament Duradís.
L'Agéncia nacionau de cohesion deus territòris (ANCT) qu'encoratja las comunas, dens l'encastre de l'obligacion d'adreçatge legau, a conservar la riquessa deus noms de lòcs en precisar los lòcdits, mes tanben en rensenhar las lengas regionaus en mei deu francés.
Lo portau de la petita enfança e deus ben.hèits deu bilingüisme doriu francés-occitan qu'ei d'ara enlà public.
En mai de 2021, èra votada la lei relativa a la proteccion patrimoniala de las lengas regionalas e a lor promocion dicha « Loi Molac » que lo Conselh constitucional censurava parcialament en seguida.
Dempuèi, una interpretacion restrictiva de l'article 2 de la Constitucion (qu'indica notadament que la lenga de la Republica es lo francés) contunha a èsser sistematicament opausada a cada avançada possibla per nòstras lengas, e los problèmas se multipliquan.
Reedicions de tèxtes ancians, portrèits vertadèrs o de ficcion, sortidas joenessa… Las novetats literàrias deu mes de mai 2024.
L'Escòla Occitana d'Estiu (EOE), que se debana cada an a Vilanuèva d’Òut (47), festejarà aquela annada sos 50 ans. Una crida als dons es estada lançada per sostenir lo finançament de la jornada de celebracion del 15 d'agost.
La Passem ! que trauquè Gasconha enter lo 30 d’abriu e lo 5 de mai passats. Tornar en imatges sus la participacion deu Congrès ad aqueth eveniment.
Lo CFPO Montanhòl organiza los Rescontres Occitanas d’Auvernha dau 6 au 10 de julhet de 2024 a Sant Bonet de Riòms (63).
La CAPB (Comunautat d'Aglomeracion País Basco) qu’amassarà los membres deu grop de tribalh lenga e cultura occitanas gasconas diluns 3 de junh, de 19 h 30 enlà au Pòle territoriau deu País bidaishòt, a Bidaishe (64).
Lo Congrès recruta un(a) desvolopaire(a) e un(a) toponimista dins l'encastre de son projècte de creacion de plataforma lexicala, textuala e toponimica occitana.
Quauques dias abans la debuta de l'estiu, La Region Novèla Aquitània, lo Departament d'Òut e Garona e la Vila d'Agen, en associacion dab la Region Occitània Pirenèus Mediterranèa, que'vs convidan a viéner participar, los 13 e 14 de junh qui venguen a Agen, aus Encontres occitans de las lengas e culturas regionaus, un eveniment co-organizat per la Region Navèra Aquitània, lo Departament d'Òlt e Garona, la Vila d'Agen e en partenariat dab la Region Occitània / Pirenèus-Mediterranèa.
Novèlas de sciéncia-ficcion, provèrbes, poesia en musica, questions de societat... Las novetats literàrias deu mes d’abriu 2024.
L'associacion La Gardarem prepausa una version renovelada del festenal de l'Estivada, en 2024 a Sebasac. Per sostenir lo projècte, es possible d'aderir.
La Passem ! que traversarà la Gasconha deu 30 d'abriu au 5 de mai qui vienen. Dens aqueth encastre, Lo Congrès permanent de la lenga occitana, l'Ofici public de la lenga occitana lo CIRDOC-Institut occitan de cultura, lo CFPÒC Navèra Aquitània e la Federacion Calandreta Bearn que s'assòcian entà l'animacion de la corsa.
Qu'ei dab un gran tristèr qui aprenom la mort de Gilabèrt Nariòo lo 6 d'abriu passat...
Lo Congrès èra present a Matamala, en Pirenèus Orientals, a l'escasença de las jornadas de formacion dels agents dels PNR (Pargues naturals regionals) de la region Occitània, doas jornadas de sensibilizacion a las lengas e culturas occitanas e catalanas.
Dens l'encastre deus Divendres de l'Espaci Occitan organizats per l'IEO Arièja, lo Congrès qu'anè tà Foish a la debuta deu mes d'abriu tà ua presentacion publica de las soas missions e realizacions.
L’Universitat Pau Valèri Montpelhièr 3 dobrís una licéncia professionala Torisme "Lengas e Torisme" amb una especialitat Lengas e Patrimòni, en presencial a Besièrs.
Eth 20 de març passat s'amassèc en Conselh Generau d'Aran en Vielha (Val d'Aran) era equipa occitana de LINGUATEC IA, un consòrci transfronterèr d'institucions e de centres de recèrca dedicat ath transferiment de coneishences e ath desvolopament des tecnologies dera lengua tar aragonés, eth basc, eth catalan e er occitan.
Lo CAÒC organiza lo 5au Concors de novèlas Enric Garriga Trullols e lo 1èr Concors d'assages e d'articles D'Aura en Aura.
Ací Gasconha qu'organiza lo son 32au Calam (Concors literari en Gascon) peu quau la remesa deus prèmis e’s harà lo dissabte 15 de Junh de 2024 a Anglet.
La FELCO-CREO ven d’aviar una sonada a contribucions per lo numero 6 de la revisda Plumas, a la sega de Fabiana Garnerin, defuntada antan, que l’associacion a tornat préner son trabalh.
Las Premsas Universitàrias de Bordèu que prepausan la navèra colleccion Garon@, consacrada a l'occitan (medievau e modèrne), a la soa literatura e au son ensenhament atau com aus apròchis pluridisciplinaris de las culturas regionaus, principaument las deu territòri de Navèra Aquitània (occitan, basco, peitavin-santongés).
Recuèlhs de novèlas o de contes, romans policièrs o de viatge, produccions umoristicas, albums illustrats : las sortidas literàrias del mes de març de 2024.