Aprendissatge de la lenga, memòrias de nòble, sortida joenessa : cinc navèras publicacions hicadas en lutz.
1. Assimil a integrat son metòde d'occitan dins un novèl format publicat en 2023, lo cofret Aprene una lenga regionala. Aqueste compren un accès a lor aplicacion per l'aprendissatge de l'occitan, e tanben del breton, del catalan e del còrse. L'aplicacion permet d'aténher un nivèl B2 en una centena de leiçons.
2. En traient de l’eissuble e en editant, aube rigor e competéncia, questo Livres des mémoires du seigneur Mermet Claret, dins son tèxte occitan, Joan-Claudi Rixte fai un servici a la comunautat scientifica : surtot aus istorians o aus etnològues que s’interèssan au foncionament dau pastoralisme e aus lingüistas qu’estudian la variacion de la lenga dins l’espaci, mai que mai dins aquelo país septentrional dau domeni occitan.
- Comanda auprès de : Daufinat-Provènça, tèrra d’òc - IEO 26 Maison des services publics Service de la vie associative 1, avenue Saint-Martin 26200 Montélimar Tel. : + 33 6 07 64 14 70 ou + 33 6 31 87 92 12 courriel :
Cette adresse e-mail est protégée contre les robots spammeurs. Vous devez activer le JavaScript pour la visualiser.
3. Las edicions Per Noste que sòrtan de publicar Timotèu que va tà l’escòla, arrevirada de l'àlbum de Rosemary Wells. Ua istòria corta suu hèit de non pas estar perfèit, tà desdramatizar la rentrada.
4. Despuei 2018, los Talhiers occitans de Corresa publican Lo país vos parla, cronicas en occitan, dins lo jornal La Montagne. Las cronicas son estadas amassadas en un recuelh, Lo país vos parla : Cronicas occitanas del quotidian La Montagne, menat per Joan-Peire Lacombe e Silveta Marty, e paregut en fin d'annada 2023.
5. Novèla publicacion de l'AELOC, Dictionnaire du parler méridional, de René Domergue. Los mots e expressions ausits dins las annadas 1950-60 en país de Nimes, son confrontats als païses de meteissa cultura : Camarga, Cevenas, Provença fins a Marselha e en delà... Oèst lengadocian (Montpelhièr, Besièrs) e incursions en país tolosan. Mai de 5 000 mots e expressions.