Lo Congrès permanent de la lenga occitana qu'avó lo plaser d'arcuélher aqueste dissabte 11 de noveme passat lo Cercle gascon de negòcis a la Ciutat a Pau, au parat deu Rambalh de Sent Martin entà ua jornada d'encontre enter enterpreneires de Bearn e Gasconha estacats au lor país.
La matiada, prevista dab un esperit de partatge d'experiéncia e d'escambis que s'articulè a l'entorn de tres temps hòrts :
1. Encontres Interenterpresas
- Presentacion deu Cercle gascon de negòcis : Valors, objectius d’ua mèrca Hèit en Gasconha – peu Joan Luc Lagrave, dab com modèle lo labèl Produit en Bretagne.
- Escambis dab enterpreneires bearnés e gascons.
2. La lenga e la cultura com valor hornida
- Lo patrimòni viu com factor de coësion d’equipa : lo Bearnés Team Building, peu Jean-Loup Fricker, elejut de la Comunautat d’aglomeracion Pau Bearn Pirenèus en carga de la lenga-cultura regionau.
- La lenga com marcador identitari. Atrunas numericas deu Congrès permanent de la lenga occitana e integracion deu bilingüisme, peu Joan Breç Brana, pòle Lenga & Societat.
3. Testimoniatges e escambis dab grafistas
- Ua atruna navèra de mercatica territoriau, la tipografia bearnesa, peus Julien Bidoret & Jean-Marc Saint-Paul, Maison des Editions en peu País de Bearn.
- Patrimòni identitari e identitat visuau, per l'Olivier Ducuing deu Studio Zookeeper.
La vrespada qu'estó mei orientada cap tà l'apracticament culturau entaus enterpreneires gascons, dens l'encastre deu Rambalh de Sent Martin e la descobèrta d'un club deu Top14 qui hica endavant la soa identitat, au parat de l'encontre Seccion Paulina – UBB.
- Tad ac saber tot
- Redifusion deus encontres :