Wikiccionari, lo diccionari occitan participatiu

Wikiccionari, diccionari occitan participatiu

Wikiccionari es la partida occitana del projècte multilingüe Wikitionary, de la fondacion Wikimedia. Èra a la debuta un simple complement lexical a l'enciclopèdia liura Wikipèdia. Mas pauc a pauc es vengut mai qu'un diccionari, e i trobam uèi las definicions, las prononciacions, las variacions dels mots e lors etimologias, atal coma de traduccions. L'idèa es d'i ajustar pauc a pauc los sinonims e antonims, los mots parents, las locucions e expressions derivadas...

Lo Wiktionary es un diccionari sonque descriptiu e non pas normatiu, qu'a per tòca de balhar las entresenhas mai completas e mai neutras sus totes los mots o locucions utilizats, autres còps o a l'ora d'ara, dins totas las lengas.

Lo Wikiccionari es un wiki liure, es a dire que cadun lo pòt modificar per lo completar o lo corregir, e totes los contenguts se pòdon tornar utilizar. Es important per la lenga occitana d'èstre presenta e visibla sus las aisinas Internet participativas, que son de mai en mai utilizadas.

Autor(s) : Aisina participativa
Operator : Wikimedia
Annada de publicacion :
Document(s) : wiki en linha
Varianta(s) tractada(s) : auvernhat, gascon, lemosin, lengadocian, provençal, vivaroalpenc
Lenga : occitan
Ligam :