Lexics gascons inedits

Lexics gascons inedits

Las edicions Letras d’òc / Camins qu’an publicat au mes d’octobre lexics gascons inedits de F. Marsan e J. Soulé-Venture.

Lo vocabulari de l'occitan gascon qu'ei enqüèra uei descrivut de faiçon hèra incompleta. Mercés a la publicacion deus dus glossaris pirenencs de François Marsan e Jean Soulé-Venture, demorats inedits despuish mei d'un sègle, aquera edicion que vòu estar un navèth apòrt a la coneishença deu vocabulari pirenenc, gascon e de faiçon mei larga occitan.

Jean-François Le Nail, ancian archivista deu departament de las Pirenèus Hautss, e Jean Eygun qu'an amassat las lors competéncias lingüisticas e istoricas tà hargar aquera edicion, dab la collaboracion deu botanista Guy Dussaussois.