Crida a contribucions sus Leon Còrdas

Recèrca

La còla de recèrcas RedOc / LLAC organiza una jornada d’estudis a l’entorn de l’escrivan Leon Còrdas lo 22 de novembre de 2013, pel centenari de sa naissença. Lança una crida a comunicacions per i participar.

Lectura de tèxtes de l’autor menerbés, presentacions d’inedits, testimoniatges sus las multiplas activitats conegudas o pas de Còrdas, sus l’empont o endacòm mai, seràn las benvengudas. L’idèa es de far conéisser melhor l’artista jos totes sos aspèctes : escrivan, romancièr, novelaire, dramaturg e òme de teatre, òme public, orator...

Podètz mandar vòstras proposicions a M.J. Verny : mjvb@orange.fr o Philippe Gardy : philippe.gardy@wanadoo.fr.