Soscripcion per Amb un fil d'amistat

Felip Gardy

Amb un fil d'amistat es un obratge dins lo qual mai de 80 universitaris, ensenhaires, cercaires, criticas, escrivans e artistas fan un omenatge a Felip Gardy, lor collèga e amic. Nascut en 1948, diplomat de l'Universitat de Montpelhièr ont a format puèi de generacions d'estudiants, Felip Gardy es director de recèrcas al CNRS, director e fondator de Lengas revue sociolinguistique e autor de nombroses libres e articles sus la lenga e la literatura occitanas.

La diversitat de las contribucions dins aquel obratge mòstra l'espandida de l'òbra de Felip Gardy en occitan e en francés dins los domenis de l'escritura, de la critica literària, de la recèrca e de l'ensenhament. Una soscripcion es obèrta fins a l'estiu de 2014 per la parucion del libre. Lo podètz precomandar per 29 euros, pòrt comprés, alprès de François Pic, CELO, 9 carrièra Jean de Masencal, 31500 Tolosa.