Sus las pesadas de Rainal

Sus las pesadas de Rainal

Aquel petit obratge pedagogic a per tòca de mostrar a qual punt la practica de l'intercompreneson de las lengas agusa l'esperit.

L'obratge s'apieja sus la faula de Fèdre, Lo Rainal e los rasims, balhada dins sa version originala en latin puèi revirada en francés e en occitan. Aqueles tèxtes servisson de referéncia a quatre autras serias de traduccions : la primièra mòstra la proximitat de sèt lengas romanicas, la segonda compara las varietats dialectalas e graficas de l'occitan, la tresena mòstra l'evolucion de l'occitan lemosin de cap al parlar d'oïl e la quatrena rapròcha diferentas traduccions (d'Esòp, de La Fontaine...) de la meteissa faula.

L'obratge es publicat en cò de Lambert-Lucas jos l'egida del CREO de la Talvera.