L'occitan lenga oficiala de l'Euroregion Pirenèus-Mediterranèa

Euroregion Pirenèus-Mediterranèa

Dempuèi novembre passat, l'occitan es la quatrena lenga oficiala de l'Euroregion Pirenèus-Mediterranèa amb lo catalan, lo francés e lo castelhan.

Es pas encara lenga de trabalh, son sonque lo francés e lo catalan pel moment. Mas los quatre presidents de Region (Miègjorn-Pirenèus, Catalonha, Lengadòc-Rosselhon e Balearas) an votat sa cooficialitat a l'unanimitat.

Ara, un projècte cultural sonque en occitan serà eligible a l'Euroregion, una polida avançada.

Pel moment, a ja seleccionat lo projècte transfrontalièr « Forum euroregional patrimòni e creacion : Occitània, Catalonha, Balears » portat pel CIRDÒC, l'Estivada, La Fira Mediterrania de Manresa e Sa Xerxa de teatre de Balears.