Letra de ligason :

D’otisses novèls per promòure l’ensenhament bilingüe francés/occitan

Promocion del bilingüisme aboriu

Informar suls beneficis del bilingüisme aboriu

Dempuèi mantunas annadas, lo ministèri de l’Educacion nacionala reconeis oficialament que l’ensenhament bilingüe francés-occitan « contribuís al desvolopament de las capacitats intellectualas, lingüisticas e culturalas dels escolans » (Circulara del 13/04/2017, ministèri de l’Educacion nacionala). Aquela reconeissença es egalament partejada per la majoritat dels parents d’escolans de las Regions Novèla-Aquitània e Occitània.

Un otís d’informacion a vocacion interacademica

L’Ofici public de la lenga occitana (OPLO) ven de publicar una plaqueta d’informacion Apréner l’occitan a l’escòla primària. A l’objectiu de respondre als besonhs identificats sul terren e a fait l’objècte d’una larga consulta per poder prepausar quicòm adaptat al primari, ont los enjòcs son los mai fòrts.

S’agís del primièr document a vocacion interacademica, desplegat a l’adreça de totes los establiments del 1èr gra, publics o associatius, de las acadèmias de Bordèu, Limòtges, Montpelhièr e Tolosa.

Un interlocutor per orientar las familhas

En aqueste periòde de fin d’annada escolara, l’OPLO se prepausa de far lo ligam entre los parents d’escolans interessats pel bilingüisme aboriu e los diferents actors de l’ensenhament (establiments, ensenhants, associatius, collectivitats).

Fins a la dintrada escolara, l’OPLO dobrís una Pòrta de dintrada de cap a las familhas :