L’OPLO lança una granda campanha de comunicacion a l’entorn de la lenga occitana

Campanha Je me jette à l'oc

L’Ofici public de la lenga occitana (OPLO) lança una campanha bèla de comunicacion sus l’ensemble de son territòri.

L’an concebuda aquela campanha dins una demarcha de concertacion, en collaboracion amb un panèl de representants d’associacions e d’actors de l’occitanisme.

Una tòca prioritària : los 16-40 ans.

La campanha s’apieja sus de mots franceses d’origina occitana fixats sus de visuals en creant un decalatge conivent. En format aficha fisica, numerica mas tanben video cortet, aquí la campanha en detalhs :

  • 52 estacions SNCF en Novèla Aquitània e Occitània ;
  • Accions cibladas sus las doas capitalas regionalas : Bordèu e Tolosa ;
  • Campanha web : 1 250 000 afichatges ;
  • Campanha digitala : 800 000 afichatges sus Instagram e Snapchat ;

Dins un segond temps, la campanha serà declinada a l’escala locala. De visuals novèls seràn editats en prepausant de mots e expressions especifics als diferents territòris.

Un mini-site per ne saber mai.

Totes los supòrts de comunicacion remandaràn cap a un mini-site comun referencial, en adeqüacion amb l’estetica de la campanha.