Actualitats occitanas - Navèras ressorsas Ressorsas

Lo viatge de Joana sus Occitanica

Lo viatge de Joana sus Occitanica

Lo CIRDOC lancèt en 2009 la produccion d'un fulheton radiofonic en occitan titolat Lo viatge de Joana. Es estat registrat per Gargamela-théâtre e conta l'istòria d'una tanturla a la retirada. Après aver recebut un eretatge, partís als Estats-Units, amb una joventa que cèrca un trabalh, per anar retrobar Rémy, un amic d'enfància. Totes los episòdis se pòdon ausir sus Occitanica, amb lor transcripcion occitana e lor traduccion francesa.

Léger la seguida...

Joomla! 2.5, traduccion en occitan lengadocian

Joomla! 2.5 en occitan

Joomla! es un CMS (sistèma de gestion de contengut) libre, opensource e a gratis. S'utiliza per fargar de sites Internet e permet de revirar paginas en mantunas lengas. Lo jornal papièr e numeric La Setmana a realizat una revirada en occitan lengadocian de Joomla! per la version 2.5.

Léger la seguida...

LibreOffice en occitan

LibreOffice en occitan

LibreOffice, la seguida de burotica open source, es disponibla en occitan. Conten un tractament de tèxte, de fuèlhas de calcul, un otís de presentacion e de diaporama, un de dessenh e un de basa de donadas. La revirada en occitan dels logicials es assegurada a 91% e dispausan d'un corrector ortografic en occitan lengadocian.

Léger la seguida...

Pecot, un escrivan viatjaire

Pecot, un escrivan viatjaire

Aquel site prepausa ressorsas pedagogicas a l'entorn de l'autor Rotland Pecot e de son òbra. I trobaretz tèxtes illustrats e comentats, que d'unes son acompanhats de fichièrs audiòs suls quals l'autor el meteis legís extraches de son òbra. Se pòdon tanben agachar vidèos d'entretens amb Rotland Pecot.

Léger la seguida...

Exercicis de gramatica del CRDP de Montpelhièr

Exercicis de gramatica del CRDP de Montpelhièr

Aquelas fichas de gramatica occitana abòrdan jos la forma d'exercicis autocorrectius los punts de lenga tractats dins las unitats prepausadas sul site del CRDP de Montpelhièr. Comprenon pauc d'explicacions gramaticalas, lo procediment es mai analitic e practic. S'agís d'observar de frasas tipicas e de s'entraïnar a traduire de frasas similàrias, en tornant emplegar lo vocabulari e las estructuras presentats en modèl. Aquelas fichas son inspiradas dels Trabalhs dirigits de gramatica de Ramon Chatbèrt (IEO : 1968, 1972).

Léger la seguida...

Diccionari general occitan de Cantalausa

Diccionari general occitan de Cantalausa

Lo Diccionari general occitan de Cantalausa foguèt lo primièr diccionari occitan monolingue. Es estat melhorat per Sèrgi Gairal amb los conselhs de Ramon Chatbèrt. L'IEO 12 ne prepausa uèi una version en linha. Podètz legir los abans-propaus, los avertiments e autras explicas contenguda pel diccionari, e podètz cercar un mot per far afichar sa definicion.

Léger la seguida...