Actualitats occitanas - Navèras ressorsas Ressorsas

Còrpus de la paraula

Còrpus de la paraula

Lo prètzhèit deu programa Còrpus de la paraula deu ministèri de la Cultura e de la Comunicacion qu'ei de valorizar lo patrimòni lingüistic de França. Tad aquò har, que balha accès en linha a fons sonòrs transcriuts e numerizats, en francés e dens las diferentas lengas parladas suu territòri. Que s'i pòt descobrir lengas a partir d'un camin sonòr, e tanben apréner quin aqueras dadas e son estadas hèitas e quin se pòden espleitar.

Léger la seguida...

Opentrad, traductor automatic

Opentrad

Opentrad es una plataforma de traduccion automatica en còdi obèrt. A per particularitat d'integrar las lengas ditas regionalas. Pren per exemple en compte lo catalan, lo basque, lo breton, lo gallés, lo galician... Pel moment, demest los parelhs de lenga estables ja desvolopats, trobam occitan-catalan e occitan-castelhan e lo consòrci Opentrad es a trabalhar sul parelh occitan-francés.

Léger la seguida...

Wikiccionari, lo diccionari occitan participatiu

Wikiccionari, diccionari occitan participatiu

Wikiccionari es la partida occitana del projècte multilingüe Wikitionary, de la fondacion Wikimedia. Èra a la debuta un simple complement lexical a l'enciclopèdia liura Wikipèdia. Mas pauc a pauc es vengut mai qu'un diccionari, e i trobam uèi las definicions, las prononciacions, las variacions dels mots e lors etimologias, atal coma de traduccions. L'idèa es d'i ajustar pauc a pauc los sinonims e antonims, los mots parents, las locucions e expressions derivadas...

Léger la seguida...

Diccionari occitan d’Onorat numerizat

Dictionnaire provençal-français ou Dictionnaire de la langue d'oc ancienne et moderne

Lo Dictionnaire provençal-français ou Dictionnaire de la langue d'oc ancienne et moderne, suivi d'un vocabulaire français-provençal de S.J. Onorat es estat numerizat. Lei tres volums d'aquel obratge se pòdon ara legir sus Google books.

Léger la seguida...

Basa de donadas toponomastica de las Valadas occitanas

Diccionari toponimic de las Valadas

La Chambra d'Òc a realizat un otís que lista los toponims de las Valadas Occitanas e Francoprovençalas. Gràcias a un motor de recèrca o a una navigacion geografica, s'i pòdon afichar los toponims dins lor forma locala (grafias classica e de l'Escolo dóu Po), en francoprovençal e en italian, amb lor descripcion istorica e/o etnografica, significacion, descripcion geografica e georeferenciament.

Léger la seguida...