Actualitats occitanas - Navèras ressorsas Ressorsas

Colleccions de còrpus orals numerics

CoCoON

CoCoON (COlleccions de CÒrpus Orals Numerics), torna préner la gestion dels còrpus de l'anciana antena parisenca del CRDO (Centre de Ressorsas sus la Descripcion de l'Oral). Prepausa un site Internet amb un còrpus de ressorsas oralas numerizadas que d'unas pertòcan l'occitan. I podetz atal ausir enregistraments, compreses los de las enquèstas dialectologicas fachas per la constitucion dels atlàs lingüistics de Gasconha e del Lendagòc occidental, acompanhats o pas de lors anotacions dirèctas.

Léger la seguida...

Lou Tresor dóu Felibrige en linha

Lou Tresor dóu Felibrige en linha

Lo Congrès, en partenariat amb lo CIRDÒC, a realizat una edicion numerica dau Tresor dóu Felibrige (Lo Tresaur dau Felibritge segon la nòrma classica) de Frederic Mistral. Lo diccionari occitan istoric es disponibla en linha en format Flipbook, que permet de reviure l'experiéncia dau libre de papier. Mai presenta tanben leis avantatges dau numeric, amb per exemple la possibilitat de faire de recèrcas indexadas en plen tèxte o de marcapaginar.

Léger la seguida...

Lexic parlant de l'occitan de Nòrd-Velai e Vivarés

Lexic parlant de l'occitan de Nòrd-Velai e Vivarés

Aqueste lexic sonòre vos prepausa d'escoutar la prononciacion de nombrós mots occitans coma son dits dins lo Nòrd-Velai e lo Vivarés. Una mapa interactiva aficha tanben la reviraa daus mots en nombrosas lingas europèas (anglés, francés, catalan, castelhan, italian...).

Léger la seguida...

Camins d'istòria

Camins d'istòria

Camins d'istòria es una seria de films documentaris en occitan realizats dins l'encastre d'un partenariat per l'ensenhament entre lo Rectorat de Tolosa, la Region Miègjorn-Pirenèus e lo CRDP de l'Acadèmia de Tolosa. Es ara mesa a disposicion en linha sul site del CNDP. I trobaretz la vidèo de cada episòdi acompanhada de sa transcripcion escrita.

Léger la seguida...

Bibliotèca numerica Ciel d'Òc

Bibliotèca numerica Ciel d'Òc

Lo CIEL d'Òc (Centre Internacional de l’Escrich en Lenga d’Òc) es una associacion que prepausa una bibliotèca numerica dicha « Bibliotèca virtuala de la Torre Manha ». I met de documents occitans numerizats a disposicion del public. Un catalògue permet de cercar per autor, per genre, per títol, per region, e mai per traductor dins lo cas de traduccions.

Léger la seguida...