Novetats sus pedagogia.locongres.com

Novetats Pedagogia

Lo Congrès vos prepausa doas novetats sul site pedagogia.locongres.com : un jòc de Memory e una activitat pedagogica de mini-documentari e de contribucion als otisses de Wikimedia.

Lo jòc de Memory a un foncionament classic (retrobar los parelhs de cartas identicas), levat qu'aquí, cal apariar un imatge al mot que li correspond. Es prepausat dins las sièis varietats màgers de l'occitan, amb sèt tematicas : los animals, l'escòla, lo manjar, l'ostal, los vestits, los transpòrts, la musica. Podètz causir lo nombre de cartas e lo temps que s'afichan quand son reviradas.

L'activitat pedagogica vos prepausa de far un mini-documentari a l'entorn d'una persona, un animal, una comuna, una òbra... en contribuissent als diferents otisses de Wikipèdia en foncion del nivèl de lenga de cada escolan. Redigir un petit article Wikipèdia pels mai avançats, completar un itèm Wikidata pels que son mens a d'aise amb la lenga, e versar d'imatges a Wikimedia Commons pels fotografes amators.