Los correctors ortografics en occitan disponibles

Correctors ortografics en occitan

Los correctors ortografics deu Congrès entà Firefox, Chrome e LibreOffice ja son disponibles en occitan lengadocian e gascon !

Dab lo sostien de l’euroregion Navèra Aquitània/Euskadi/Navarra, Lo Congrès e la fondacion basca Elhuyar qu’an realizat un programa de desvolopament de corrector ortografic universau en occitan lengadocian e gascon.

Que s'ageish d'un utís normatiu deu Congrès perpausat a gratis au gran public tà l'editor de tèxtes LibreOffice, los navigators internet Chrome e Firefox, atau com lo logiciau de messatgeria Thunderbird. L’equipa de lexicografia deu Congrès que miè un tribalh de normalizacion grafica e ortografica a partir de las òbras deu Congrès e deus sòcis sons (Basic, vèrb’Òc, tèrm’Òc, top’Òc o enqüèra Loflòc) entà perpausar un utís de referéncia taus aprenents (escolars, estudiants, adultes) e usatgèrs de la lenga.

D'ara enlà, ja sia entà escríver un corric, un document de tèxte, o postar un simple messatge suu vòste hialat sociau mei aimat, que podetz verificar en un còp d'uelh las fòrmas alternativas per las grafias que lo programa identifica com erronèas.

Quin installar los correctors ? N'avetz pas qu'a'vs rénder sus la pagina dedicada, e seguir las instruccions : Correctors ortografics en occitan.