Occitan e reforma del collègi

Ensenhament

La reforma del collègi anonciada pel govèrn francés preocupa totas las associacions qu'òbran per la promocion de  l'ensenhament de las lengas regionalas. Crentan una regression de las possibilitats realas d'ensenhament. An lançat una peticion titolada « Manten e desvolopament de l'ensenhament de las lengas regionalas al collègi ».

Lo ministèri a anonciat que las lengas regionalas poirián èstre ensenhadas, suls mejans dels establiments, en complement dels EPI (ensenhaments practics interdisciplinaris), una ora en cinquena e doas oras en quatrena e tresena. Aquela anóncia fa pausar mantuna question a las associacions. Quin ensenhament lingüistic serà prepausat als escolans ? Quines mejans auràn los establiments per l'assegurar ? Quin seguit auràn las seccions bilingüas lenga regionala ?

Demandan una dotacion especifica als establiments per garantir l'ensenhament de las lengas regionalas, lo manten de l'obertura d'aquel ensenhament tre la sieisena, e que li siá autrejat un orari setmanièr sufisent.

Mai de 4 000 personas e estructuras an ja signat la peticion sus petition publique.fr. Lo Congrès se permet d'aconselhar a sos membres e als legeires de sa letra de ligason de  signar aquela peticion.